33.8 C
Manila
Friday, March 29, 2024

Massive Coastal Clean-Up Sa Dakbayan Sa Sugbo, 163 Ka Toneladang Basura Nahipos

- Advertisement -

Cebu City – Miabot og sobra sa 163 ka tonelada sa basura ang nahipos sa massive coastal clean-up nga gihimo sa walo ka dapit sa kabaybayonan sa dakbayan sa Sugbo.

Gipahigayon ang pagpanglimpyo sa hiniusang puwersa sa kagamhanang local ug sa Department of Environment and Natural Resources o DENR VII.

Ang pangu sa DPS o Department of Public Services, Atty. Jigo Dacua, miingon nga milanat og kapin sa unom ka oras ang ilang pagpanghinlo.

Gitug-an ni Dacua nga miabot og 163 ka garbage trucks ang napuno sa kinolekta nilang basura sa baybayon.

Sagad sa ilang mga nahipos mao ang mga lapok, plastic bag ug botelyang plastic.

Lakip sa gilimpyohan sa siyudad mao ang mga bukana sa sapa sa Lahug, Bulacao, Guadalupe, ug Kinalumsan; ug mga creeks  sa Mahiga ug Tejero; ug baybayon sa Brgy. Mambaling ug sa SRP o South Road Properties.

Si Bise Mayor Michael Rama, nga maoy nagpasiugda sa proyekto, miingon nga ang ilang gihimo buyon sa kasaulogan sa International Coastal Clean-Up Day maisip nga usa pa lang ka pagsugod sa taas nga proseso sa rehabilitasyon sa mga sapa ug kanal sa dakbayan.

Ang  bise mayor nga tsirman sa committee on environment gusto nga ilang ipahigayon ang massive clean-up matag kwarter inay nga kausa lang matag tuig.  (Jhon Tadlip/ JTY)

 

(Source: DENR VII)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -