27.9 C
Manila
Sunday, April 14, 2024

SULU KILLINGS NAGPADANGAT SA CHILLING MESSAGE

- Advertisement -

Ang mga aktibista sa syudad sa Cagayan de Oro naalarma sa pagluthang-patay sa pito ka mga Tausug sa Patikul, Sulu niadtong Biyernes nga matud pa naghatud sa chilling message nga ang maong hitabo mahimo usab sa bisan asang bahin sa nasud nga diin ang mga nagbuhat niini mopasangil lang dayon nga mga daotan ang nangamatay.

Matud pa ni Aida Ibrahim, Chairperson sa Tindig Ranao atol sa usa ka press conference kagahapon nga ang maong hitabo, posibleng mahitabo gihapon sa bisan kinsa kanato. Kahinumduman nga niadtong adlawng Biyernes, ang mga sundalo miluthang patay sa pito ka mga batan-ong lalaki sa pagduda nga kini mga sakop sa extremist group nga Abu Sayyaf diin ang maong pasangil gisalikway sa ilang comunidad.

Apan ang military nagsugilon nga ang mga batan-ong napatay atol sa usa ka init nga panag-engkwentro sa Barangay Bakong sa Patikul sugod sa ala una y medya sa hapon nga diin miresulta usab sa pagkasamaran sa 17 ka mga sundalo. Ang Task Force Sulu ubos ni Brig. Gen Divino Rey Pabayo, midayeg sa tropa apan ang Muslim community sa Patikal nag ingon nga ang mga nakabsan sa kinabuhi nga mga batan-on mga inosente.

Ang mga napatay nga Tausugs igo lang nagbitbit sa kinarton nga mga lanzones, ug mangosteen sa maong higayon diin ang mga sundalo mipusil kaniloa, base kini sa pamahayag ni Suara Bangsamoro Chairman Jerome Succor Aba sa davaotoday.com.

Ang grupo nag-ingon nga nasaypan lang ang mga batan-on nga sakop sa Abu Sayyaf.

Matud pa ni Ibrahim nadisturbo sila sa impormasyon nga ilang nadawat tungod kay nagsugyot kini nga us aka massacre ang nahitabo ug waly panag-engkwentro.

Sa kabahin sa League of Filipino Students in Northern Mindanao, ilang gikondena ang maong hitabo ug ilang gikondena ang maong hitabo ug ilang giila kini nga nagkagrabeng pagpangatake sa mga Pilipinhong Kabatan-onan.

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -