Atol sa privilege speech ni Zamboanga Del Norte 1st District Congressman Romeo “Jon-Jon” Jalosjos Jr., gibutyag niini ang iyang tinguha nga subling pukawon ang imbestigasyon kabahin sa H.R. No. 747 may kalabutan sa imbistigasyon sa droga ug patay sa Zamboanga del Norte nga una nang gipa imbestigahan ni kanhi Cong. Bullet Jalosjos.
Kini tungod kay nabantayan niini nga hinay o walay nahitabo sa maong resolusyon sa pagdagan sa panahon.
Hinungdan nga mipasaka siya ug resolution sa house of congress aron pangutan-on ang mga ahensya hingtungdan kun unsay gihimo niini kalabot sa mao nga imbistigasyon.
Gi dugang pa sa kongresista sa unang distrito nga dili lang usa ka congressman “Bullet” ang nangutana kun dili tibuok 17th congress tungod kay kung mapasar na ang resolusyon kongreso nagpasabot matod pa kini nga tanang mga kongresista momando nga imbistigahan.
Gitubag usab niya ang mga post sa social media nga iyang nasaba nga nag ingon nganong iya pang pukawon ang isyu.
Iyang gipasabot nga konstitwente niya si Bullet ug bisan si kinsa ang moduol kaniya ug mangayo ug tabang andam siya mag privilege speech.
Gihagit usab ni Jalosjos ang mga tawo nga nagtakuban sa FB Page ug kanunay nga moatake kaniya ilabi na sa mga negatibong reaksyon nga magpaila aron katuohan sa katawhan.
(Mark Bacroya)
(Source: Cong. Jon-Jon Jalosjos)