28.9 C
Manila
Friday, March 29, 2024

Student-Athletes Sa SaNSA Kon Sarangani National Sports Academy Gitagaan Og Libreng Cell Phone Load Para Sa Online Ug Offline Learning Sulod Sa Usa Ka School Year

- Advertisement -

Andam na ang Sarangani National Sports Academy o SaNSA sa pag-abri sa klase karong Agosto 24. Niagi lang adlaw, natigayon sulod sa Sarangani Capitol Gymnasium ang pag-orient sa mga ginikanan, dungan sa pag-turn over sa donasyon sa Globe Telecom nga mukabat sa P1.4 Milyon ka pesos gilangkuban sa otsyenta (80) kabuok Samsung cell phone, SIM cards ug prepaid cards para sa cell phone load.

Segun nila Provincial Sports Adviser Paul Allen Villamora ug SaNSA Coordinator Principal Rochel
Bantulo-Morido, wala nay rason matud pa nga dili makaapil sa klase ang mga high school student-athlete sa SaNSA sa blended education tungod usa (1) ka tuig na silang tagaan og libre nga binulan nga cell phone load gikan sa Globe Telecom samtang wala pay face-to-face nga pagklase.

Nahitabo ang turnover ceremony atol sa Parent’s Orientation cum Ceremonial Turnover of Digital Learning Device. Gidawat ni Governor Steve Chiongbian Solon ang maong mga gadgets, kauban sila Alabel Mayor Vic Paul Salarda, Board Member Tata Galzote, DepEd Sarangani Curriculum Implementation Division Chief Donna Panes ug Regional Supervisor Arturo Tingson, ang representante ni DepEd 12 Regional Director Allan Farnazo, kuyog usab ang mga personahe sa Sulong Atleta program ni Governor Solon.

Ang pagpabarog sa sports academy ang gi-konsepto ni Governor Solon aron maalalayan og sakto ang mga atletang Sarangan. Sa hugot nga pagsuporta nila Senador Manny ug Congressman Ruel Pacquiao, napirmahan ni Pangulong Rodrigo Duterte ang Republic Act No. 11224 nga nag-establisar sa Sarangani Sports Training Center sulod mismo sa compound sa Kapitolyo sa Sarangani.

(Source: Sarangani PIO)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -