SP-GenSan, gila-umang ma-impluwensiyahan na ni Mayor Pacquiao?

Gitu-ohan karon ni General Santos City Mayor Lorelie Pacquiao nga maka-impluwensya na unya siya sa Sanggunian Panlungsod (SP) human gidominar sa iyang mga kaalyado ang Barangay ug Sangguniang Kabataan Elections (BSKE) 2023. Kana ang gikanayon ni City Administrator Franklin Gacal, tungod ila matud pang nakita nga ang resulta sa nakalabay’ng BSKE 2023 magsiguro unya sa duha (2) ka bag-ong kaalyado sa City Council isip ex-officio members.

Kini human ang bana ni Mayor Pacquiao nga si kanhi partylist Representative Bobby Pacquiao midaug pagka-Kapitan sa landslide nga kadaugan sa Barangay Labangal ug maoy gitu-ohang mosunod nga bag-ong pangulo sa Liga ng mga Barangay.

Samtang, ang SK bet sa Team Pacquiao nga si Elijah Polistico ang gilantaw usab nga maoy mosunod nga Sanggunian Kabataan Federation President sa dakbayan.

“20 𝙠𝙖 𝙎𝙆 𝙘𝙝𝙖𝙞𝙧𝙢𝙚𝙣-𝙚𝙡𝙚𝙘𝙩 𝙢𝙞𝙩𝙪𝙜𝙮𝙖𝙣 𝙨𝙖 𝙞𝙡𝙖𝙣𝙜 𝙨𝙪𝙥𝙤𝙧𝙩𝙖 𝙠𝙖𝙣𝙜 𝙈𝙖𝙮𝙤𝙧 𝙋𝙖𝙘𝙦𝙪𝙞𝙖𝙤. 𝙆𝙞𝙣𝙞𝙣𝙜 𝙗𝙖𝙜-𝙤𝙣𝙜 𝙠𝙖𝙡𝙖𝙢𝙗𝙪𝙖𝙣 𝙣𝙖𝙜𝙥𝙖𝙨𝙖𝙡𝙞𝙜 𝙠𝙖𝙣𝙜 𝙈𝙖𝙮𝙤𝙧 𝙋𝙖𝙘𝙦𝙪𝙞𝙖𝙤 𝙨𝙖 𝙙𝙪𝙝𝙖 𝙠𝙖 𝙗𝙖𝙜-𝙤𝙣𝙜 𝙠𝙖𝙖𝙡𝙮𝙖𝙙𝙤, 𝙇𝙞𝙜𝙖 𝙣𝙜 𝘽𝙖𝙧𝙖𝙣𝙜𝙖𝙮 𝙪𝙜 𝙎𝙆 𝙨𝙖 𝙎𝙖𝙣𝙜𝙜𝙪𝙣𝙞𝙖𝙣 𝙋𝙖𝙣𝙡𝙪𝙣𝙜𝙨𝙤𝙙,” matod ni Gacal sa usa ka post sa social media.

Daan nang gikanayon ni Gacal sa milabay’ng mga buwan nga ang BSKE 2023 maoy usa ka game changer sa dagan sa politikanhong kahimtang sa Gensan.

Ang gitu-ohan unya nga mahimong komposisyon sa Sangguniang Panlugsod sa Gensan mao kining mosunod:

Pasabot, nga molabaw na unya ang ihap sa PCM group batok RCRI Group diha sa Konseho ug gila-uman nga wala na unya’y mahimong babag sa mga ipasang-at nila nga mga lakang-lehislatibo alang sa kaayohan sa dakbayan. (Rey Ombana)