AGIG pagsaulog sa Solid Waste Management Month, gilusad sa lokal nga kagamhanan ning syudad ang mga programa alang sa tibuok bulan sa Enero atol sa pagpakayab sa nasudnong bandila sa City Hall Quadrangle, adlaw’ng Lunes, Enero 6 ning tuig.
Gipangulohan kini ni Mayor Rolando “Klarex” Uy kauban ni City Councilor Roger Abaday, chairman sa Committee on Environment sa 20th City Council.
Ang kalihokan nagtimaan sa opisyal nga pagsugod sa mga aktibidad nga gihan-ay sa pagpanguna sa City Local Environment and Natural Resources Office (CLENRO) alang sa Zero Waste Month karong tibouk bulan sa Enero.
Nakahan-ay na usab ang mga kalihokan sama sa “Green Steps: A Path to Zero Waste School,” usa ka kampanya sa mga eskwelahan sa syudad; “Green Learning Session #2,” nga adunay pagtinabangay sa World Wide Fund for Nature (WWF); “BARKADAY” o Barangay Kalinisan Day, clean-up drive sa mga barangay; workshop alang sa capacity development sa garbage collection efficiency; Forum sa Extended Producer Responsibility (EPR) nga gipasiugdahan sa WWF ug “Klarex nga Kalimpyo sa Kadalanan ug Tugkaran.”
Ang maong kalihokan pinasubay usab sa Proclamation No. 760, series of 2014 nga nag deklara sa matag bulan sa Enero isip Solid Waste Management Month sa tibouk nasud