Naikabilen ti siyudad ti Batac kas pink zone ti African swine fever wenno ASF ditoy Ilocos Norte.
Iti Public advisory ti City Government ti Batac ket maikonsiderar metten a pink zone gapu ta asideg laeng daytoy iti Dingras, Ilocos Norte a naikabil met kas Red Zone gapu iti kaadu dagiti baboy a naapektaran iti ASF.
Mainaig iti daytoy imbilin ni Mayor Albert D. Chua iti Batac ti naiget a pannakamonitor dagiti baboy, karne ti baboy ket meat – by product agsipud ta maipawil a rumuar iti nasao a lugar dagitoy tapno malapdan ti ad-adda pay a pannakaiwaras ti nasao a sakit ti baboy. (Rodrigo Sadian, RPN DZRL Batac OIC)
(Source: City of Batac)