Siyudad Ti Batac Naikabil Metten Iti ECQ

0
146

Naideklarar metten ti siyudad ti Batac probinsya ti Ilocos Norte kas enhance community quarantine wenno ECQ gapu iti bigla a panagngato ti nagpositibo iti Covid-19 itay napalabas nga al aldaw.

Maibasar iti executive order no. 146-21 ni gobernador Matthew Marcos Manotoc naideklarar ti siyudad ti Batac kas ECQ gapu iti kinaadu ti kaso ti covid iti nasao a, lugar nga umab aboten iti 432 cases.

Mainaig iti daytoy nagpalagip ni Batac city mayor Albert Chua kadagiti kakailian iti Batac iti istrikto a pannakasurot dagiti protocols iti ECQ kas iti limitado a garaw dagiti umili ken pannakaipasdek dagiti checkpoints ken barikada kadagiti boundaries iti intunggal barangay ken kasta met dagiti boundaries kadagiti kaaruba ngail ili.

Napaserraan met dagiti dadduma a negosyo kas kadagiti spa, parlors ken barber shop idinto ta ta maipawil iti dine in kadagiti panganan ngem ketdi puro take out.

Numan pay no kasta impasigurado ni Mayor Chua kadagiti frontliners nga addan to manen insentibo nga ipaay ti city government kadagitoy kas sukat ti sakripisyo da a tumulltulong iti pannakaipatungpal ti ECQ Innayon ti mayora maikkan met ti ayuda dagiti naawanan itii pagsapulan iti daytoy nga ECQ. (Rodrigo Sadian, RPN DZRL Batac OIC)

(Source: City Government of Batac)

Leave a Reply