Nakadawat na usab og “Plaque of Recognition” ang siyudad sa Dipolog City isip 1st Place alang sa pinakadaghang na-isyuhan og “Safety Seal” pinaagi sa Kagamhanang Lokal niini ug sa Department of the Interior and Local Government kon DILG Dipolog Field Office ngadto sa mga “government offices” ug establismento dinhi sa dakbayan.
Giila usab ang nasangpit nga dakbayan isip Top 1 Performing Local Government Unit ug ang local nga buhatan sa DILG usab isip Top 1 Performing DILG Field Office sa natad sa Safety Seal Certification Program.
Sigun sa nasayran, ang maong pasidunggog ang gidawat nila ni Chief, Permits & License Division ug Assistant City Tourism Officer, Ms. Viola A. Pino (alang sa LGU Category) ug Dipolog City DILG CLGOO, Ms. Sherry Charlota N. Machutes (alang sa Field Office Category) didto sa Grand Astoria, Zamboanga City diin gipahigayon ang “Safety Seal Awarding Ceremony” niadtong May 24, ning tuiga nga gipangunahan sa Department of the Interior and Local Government, Regional Office 9.
Dugang nasayran nga dosyentos tranta’y dos (232) ka mga “Safety Seals” ang na-isyu gikan sa Kagamhanang Lokal ngadto sa mga “government offices” ug establismento dinhi sa dakbayan samtang nobenta’y dos (92) ang na-isyu usab nga mga “Safety Seals” gikan sa Dipolog City DILG Field Office.
(Source: Dipolog City Government Facebook page)