Atol sa jadto taghimo na CDRRMC emergency meeting, tagkuha ni city administrator Atty. Jerry Centro an kahigayonan sa presensiya nan pipila ka mga kadagkuan sa PPA-Surigao base port, para ipahibayo sa ahensiya an mulo kabahin sa paggamit nan mga trak de karga na parking area sa isa ka bahin nan city boulevard samtang na nagpaabot pasudlon nan PPA sa pier.
Matod pa na gawas na balda kini sa trapiko, makadaot pa sa embankment kun dili man sa mismo dayan na sa boulevard. Sumaya pa, na tagsultihan ni Atty. Centro an mga representante nan PPA an ipaabot ngadto sa kadumayahan an naasoy na mulo nan City LGU, na tag-butyag ni Atty. Centro na hangtod kuman nagpaabot pa sila sa tubag nan PPA.