Miambak na sa 8,116 ang total confirmed Covid-19 cases sa General Santos City human matala ang 92 nga bagong kaso, sulod lang sa milabay’ng 24 oras.
Sa bagong datus sa Department of Health, gikan sa kinatibukang ihap, anaa sa 821 ang nagpabilin sa mga balay-tambalanan ug isolation facilities.
Samtang, gikumpirma sa DOH ang 7,041 nga total recoveries sa siyudad, apil ang 54 new survivors.
Nadungan pa usab og duha ka residente sa siyudad ang nakabsan sa kinabuhi, human magpositibo sa coronavirus infection.
Base sa August 6 tracker bulletin sa Department of Health, gikumpirma ang pagtaliwan sa 71 years old male ug 71 years old female patients.
Sa karon, anaa na sa 254 ang Covid-19 related deaths sa siyudad. (John Rey Somido)