Singer nga si Lea Navarro, Gideklarang persona Non Grata sa Gensan

Tungod sa dili maayong pamahayag sa batikang singer nga si Lea Navarro sa social media nga matud pa sinner kon makasasala ang taga Mindanao maoy hinungdan nga gipasa ang  resolution ni City Councilor Atty.  Jeng Gacal ug kini giuyunan  sa mga kaubang konsehal sa pagdeklarang persona non grata sa maong singer dinhi sa Gensan.  Ang maong resolution gipasa sa regular session karong adlawa.  Apan usa ka konsehal ang misugyot nga ipaagi ug due process kon patubagon sa issue ang  maong singer apan ang majority sa mga konsehal mas mipabor sa sugyot ni Gacal.  Hinuon gipaklaro usab ni Gacal nga bisan pa man sa maong naaprobahan nga resolution pwedeng motubag ug mangayo ug pasaylo ang maong singer nga si Lea Navarro. Sa pagkakaron dili madawat sa mga konsehal sa syudad nga ingnon nga makasasala ang katawhan sa Mindanao maoy hinungdan sa kalamidad kon linug sa milabay nga mga adlaw.  Dugang nasayran nga si Lea Navarro usa sa mga kritiko ni Presidente Rodgrigo Duterte ug posibling dunay bulok pulitika ang paghatag niini ug dili maayong pamahayag sa social media. (Ronel Degorio)