Kalilangan, Bukidnon – Gibanabanang mokabat sa 530 gramos sa gituohang shabu nga gibana-banang mobalor og P3,604,000 ang nasakmit sa gipahigayong buy-bust operation sa mga otoridad sa Purok 3, Barangay Kinura, Kalilangan, Bukidnon, mga alas 5:13 sa hapon niadtong Abril 5, 2025.
Nasikop ang upat ka mga indibidwal sa operasyon nga gipangulohan sa Kalilangan Municipal Police Station ubos sa pagpangulo ni PCPT Romeo M. Arcilla Jr., sa pakigtambayayong sa Bukidnon Provincial Intelligence Unit, Provincial Drug Enforcement Unit pinangulohan ni PMAJ Richlie Murallon, ug mga personahe sa 1004th Coy, 2nd PB, RMFB-10. Ang operasyon gihimo subay sa PDEA Pre-Ops No. 30002-042025-0106.
Lakip sa nasikop ang usa ka babaye nga residente sa Brgy. Nangka Gredu, Panabo City, Davao del Norte; usa ka 22-anyos nga lalaki nga lumulupyo usab sa samang barangay; usa ka 39-anyos nga babaye nga taga Purok Masagana, Brgy. Kasadpan, Tagum City; ug usa ka 49-anyos nga lalaki nga residente sa Ward 1, Brgy. Caloc-an, Magallanes, Agusan del Norte.
Nakuha gikan sa mga dinakpan ang usa ka sachet sa gituohang shabu nga motimbang og 5 gramos nga nagsilbing buy-bust item, lima ka piraso nga P1,000 nga buy-bust money matag usa, tulo ka knot-tied plastic cellophane nga adunay sulod nga gituohang shabu nga gibana-banang motimbang og 500 gramos, duha ka sachet sa gituohang shabu nga motimbang og 25 gramos, mga plaka nga itom nga 25 gramos, mga plaka nga itom, Xander nga may gibug-aton nga 25 gramos. 1284.
Sa pagkakaron anaa na sa kustodiya sa Kalilangan MPS ang mga dinakpan alang sa tukmang disposasyon.