Ang Federation of Senior Citizens Associations of Dipolog City (FSCADI) ang mipahigayon sa ilang “General Assembly” nga gilangkoban sa mga miyembro nga gagumikan pa sa 21 ka Barangay, Enero 3, 2025 sa Miputak Covered Court, Barangay Miputak,Dipolog City.
Ang nahisgutang nga programa ang gipanguluhan sa Kagamhanang Lokal ning syudad pinaagi sa City Social Welfare and Development Office inubanan sa Office of the Senior Citizens Affairs (OSCA) nga gipangunahan ni OSCA Head, Mr. Sancen D. Caroro.
Ang maong kalihukan anaa usab sila si City Mayor Darel Dexter T. Uy ug Former Governor Berto Y. Uy, diin mipadangat ug mga mensahe sa mga senior citizenz nga sila anaa kanunay nga mosuporta.
Anaa usab miapil sa pagtambong sila City Councilor, Hon. Roger V. Asprer, FSCADI President, Mr. Eddie A. Buñao, Assistant City Social Welfare and Development Officer, Ms. Jovencia D. Orilla ug uban pang mga opisyales sa kagamhanang lokal sa Dipolog.
Ang pagbukas sa maong programa ang gibuksan kini sa usa ka “Thanksgiving Mass” ug gisundan kini ug short program diin gapatigayon ug pagpanghatag ug “Certificate of Recognition” ngadto sa matag Individual Barangay Senior Citizens Association Chairperson. Apil usab sa programa mao ang “General Assembly Proper” nga gahisgut kini sa “Year-End Accomplishment Report” ug mga bag-ong klase nga agenda ug programa alang sa mga Senior Citizen nga andam na para karong tuig 2025. (Angelica T. Obina)
(Source: CIO)