General Santos City – Mukabat na sa 38,000 ang ihap sa mga Senior citizen sa GenSan kini ang gibutyag sa labaw sa Office of the Senior Citizen’s Affair (OSCA) nga si Josephine Mendoza.
Ang maong ihap natala basi sa listahan sa mga edaran nga ginahatagan og birthday cash incentives. Segun ni Mendoza niadtong Hunyo hangtod Disyembre nakalabay nga tuig mikabat sa 35,600 ang mga Senior citizen’s sa GenSan ug bulan sa Enero karong tuiga naay nadugang sa listahan nga sobra 2,000 ka edaran.
Usa ka hinungdan sa pagtaas sa ihap sa mga senior citizen butyag ni Mendoza daghan ang nagparehistro unya mikuha og ID aron makadawat og benepisyo gikan sa gobyerno sama sa cash incentives ug uban pa. Daghan matud pa ang nadasig nga magpa-myembro aron makaapil sa mga programa nga alang sa kaayohan sa mga edaran.
