Paibasbasura ni Senadora Imee Marcos iti inpila na a gakat a 3 percent premium a obligasion a bayadan dagiti overseas Filipino Workers iti Philhealth.
Kagiddan daytoy, kinait ti senadora ni Health Sec. Francisco Duque a suportaran ti nasao a gakat basar iti inibbatan na a rakurak itay napan a lawas a hearing ti sanado mainaig I isyu ti anomalia iti nasao nga ahensia.
Impasingked ni Marcos a saanen a kasapulan nga ipabaklay kadagiti OFW iti maik ikkat a 3 percent a premium kadagiti sueldo da no mapasubli iti bilyon a pisos a napukaw a pundo ti Philhealth.
Dinakamat n Marcos a karaman iti nasayang a pundo ti philhealth nga ad-adu kuma pay ngem iti makolekta a premium kadagiti OFW iti sobra a bayad iti reimbursement kadagiti ospital gapu kadagiti pinadegdeg a sakit a naawagan iti ‘’up casing’’, ghost patients ken dagiti naiyipit a board ken room charges a saan met a nausar dagiti outpatient.
Kuna ni Marcos a saannan a rebbeng a maipataw pay ti 3 percent premium kadagiti OFW gapu iti rinibu nga OFW va napukawan ti pagtrabahuan ken napagawid ditoy pilipinas iti pandemia ti covid-19 a nadegdegan pay iti nakaro a kurapsion a nangbungon ii Philhealth.
Immunan a sinuspenso ni Pres. Rdorigo Duterte ti koleksion iti 3 percent premium idi bulan ti mayo ken napagbalin laengen a buluntario kalpasan a nagreklamo dagiti OFW na nanayunan iti dati a 2.75 rate daytoy.
Innayun ni Senadora Marcos nga awn ti maala a benepisio dagiti OFW kadagiti sumarsaruno a kontribusion da iti philhealth gapu ta sabali iti sursurutenda a health care program dagiti ospital manipud kadagiti pagilian a pagtatrabahuan da ken saan nga aggapu iti re-imbursemnets ti Philhealth.
(Rosita Macalipis Cainggoy, RPN DZRL Batac Correspondent)
(Source: Provincial Government of Ilocos Norte/ Communications & Media Office)
