Davao City – Malipayon ang pipila ka mga residente sa Brgy. 23-C Boulevard ning syudad kinsa biktima sa Monsoon Wave sa nakalabay’ng tuig.
Kini human sila gitunulan ug hinabang sa buhatan ni Senador Christopher Lawrence Bong Go kauban ang buhatan sa National Housing Authority Regional Office 11.
Nasayran nga mokabat sa 41 ka mga pamilya ang totally damage sa ilang panimalay nga nakadawat ug tag 30 mil pesos.
Mokabat usab sa 49 ka mga panimalay ang giingong partially damage nga nakadawat ug kantidad sa 5mil pesos ngadtu sa 20 mil pesos nga nagdepende sa assessment sa City Social Welfare and Development Office.
Ang nahisgutang Cash Assistance gikan sa pundo ni Senador Bong Go nga gipaagi sa National Housing Authority ilawom sa Emergency Housing Assistance Program kun EHAP.
Nakadawat pa ang mga hintungdan ug mga Grocery Packs ug ang pipila sa mga biktima sa monsoon wave nakadawat ug Bisekleta.
Sa iyang mensahe pinaagi sa Video Call, gipaabot ni Senador Bong Go sa mga residente ang iyang mga pagpasalamat sanglit way kinabuhi naangol ug nagpabiling lig on ang matag pamilya luyo usab niining nasinati karon nga COVID 19 Pandemic.
Gipasabot pa sa Senador nga padayon lamang gihapon ang iyang pagtabang ngadtu sa katawhang Pilipino nga nagkinahanglan ug suporta gikan sa Kagamhanan. (OIC Michael Manguhig, RPN DXKT Davao)
