Dakong kalipay sa mga medical frontliners sa probinsya sa Sarangani tungod sa gihatag nga 500 kabuok PPE kon Personal Protective Equipments gikan kang Senador Manny ug Jinkee Pacquiao nga gipatunol pinaagi sa Philippine Medical Association (PMA Gensan Chapter) sa pagpanguna ni Dr. Fidel “Butch” Penamante ug mga kaubanan atol mismo sa gipahigayong regular session sa Sangguniang Panlalawigan kagahapong adlawa .
Gitunol mismo kang Vice-Governor Elmer de Peralta ug SP ang maong mga PPE’s kauban si Dr. Romeo Reyes isip nagreprentar sa PMA Gensan ug pamilyang Pacquaio nga nakasuot ug complete PPE niadtong higayona isip sample sa maong mga gamit sa mga medical frontliners
Matud pa ni Dr. Arvin Alejandro ang Provincial Health Officer nga dakong tabang para sa mga medical frontliners ang maong mga PPE alang sa ilang kaluwasan sa posibling pagtakod sa maong corona virus 19 virus ilabina panahon sa ilang pagtrabaho sa pagsundo sa mga LSI ug ROF ug pag monitor sa mga quarantine facilities sulod sa probinsiya sa Sarangani.
Namalit matud pa ang provincial government ug mga PPE ‘s apan tungod sa proseso sa gobyerno madugay ug maayo na lamang nga adunay tabang gikan sa mga tawo ug organisasyon para sa paghatag sa panginahanglan sa mga medical frontliners . Gani apil nga giaprobahan kagahapon sa regular session sa SP mao ang budget aron mamalit ug dugang PPE’s .
Dakong pasalamat usab si Board Member Jess Bascuna isip Vice – Chairman sa Committee on Health sa maong gihatag sa pamilyang Pacquiao sanglit dako kini ug tabang sa mga medical frontliners .
Samtang gikabutyag ni Dr. Butch Penamante nga kauban sa maong donasyon mao ang lain pang 500 ka mga PPE’s ang gihatag usab sa LGU Gensan isip tabang gikan kang Senador Manny Pacquiao sa padayong giyera batok Covid 19 pandemic.
(Roniel Degorio RPN DXDX Gensan)
