Security protocol sa Davao City airport, mas gipahugtan

Davao City – Mas gipahugtan karun sa Civil Aviation Authority of the Philippines-Davao ang security protocol nga ginapatuman sa Francisco Bangoy International Airport human ang pagka-aresto sa usa ka vlogger nga nakasulod sa Davao Airport gamit ang fake Identification Card.

Sumala ni Rex Obcena ang Manager sa Davao Airport, nga mas gipahugtan karon ang pagmonitor ingon man pag check sa mga boarding pass una ang pagpasulod sa final security check.

Dugang niini, nga na-relieve nasab ang security personnel nga nagpasulod sa vlogger.

Sa karon, napasakaan na og kaso ang giingong vlogger sa violation sa article 172 sa Revised Penal Code. (Camille Santos Naraga)

(Source: AFP-PNP)