Davao City – Nagapadayon karon ang pagpanghatag ug suporta sa City Social Welfare and Development Office alang sa mga biktima sa sunog sa Brgy. Matina Aplaya.
Gitunol sa CSWDO ang mga food ug non-food items kauban ang opisina ni Senator Bong Go ug Department of Social Welfare and Development Davao Region.
Sumala ni CSWDO Officer-In-Charge Julie Dayaday, nga anaa sa 62 ka pamilya ang apektado sa nahitabong sunog sa 31 ka mga balay niadtong Biyernes, Abril 21.
Una ng nanghatag og hot meals, hygiene kits ug modular tents ang lokal nga kagamhanan.
Sa karun, anaa sa Shanghai Gym ang gihimong evacuation site sa mga nasunigang indibidwal.(Camille Santos Naraga)
(Source: CSWDO Davao City)