Davao City – Human mibalik sa sabakan sa Kagamhanan ang duha ka mga opisyal sa Guerilla Front 55 nga sila si Nelson “DAROKOY” hefervis, Vice Commander ug Daniel Louise “STEVEN” Castilloc ang Team Leader sa Edukasyon ug Propaganda, ila karong gikondina ang sayop nga idolohiya ug mga hinimuan sa Terrorista ug Komunistang New Peoples Army.
Sa gipahigayong ” Pagbalik ug Panaghiusa sa duha ka mga kanhi opisyal sa Guerilla Front 55 nga misurender sa Kagamhanan niadtong Setyembre 21 ning tuiga, gibutyag ug gikondina ni Darokoy ang sayop nga hinimuan sa mga komunistang NPA sama na lamang ang pagpang recruit sa mga Menor de Edad ug pagpahupot niini ug armas aron makig giyera sa Kagamhanan. Alang ni Darokoy usa lamang kini sa gitawag nga supak sa tawhanong katungod sa kabataan nga iyang gikondina batuk sa mga komunistang NPA.
Sumala pa ni Darokoy nga sayop usab ang hinimuan sa mga teroristang NPA ang pagpanunog sa mga ekepo gikan sa mga gagmayng Quarry Operator, Gagmayng mag uuma sa Saging ug mga gagmayng negosyante dili dili maghatag sa ginatawag og “Revolutionary Tax” sa kalihukan.
Tungod niini, gipanawagan ni Nelson Hefervis alyas DAROKOY ngadtu sa iyang mga kanhi kaubanan sa kalihukan nga mobalik na usab sa sabakan sa Kagamhanan ug isalikway na ang mga sayop nga Idolohiya. Pinaagi niini, sumala pa ni DAROKOY nga maangkon ang panahiusa alang sa Kalinaw ug padayong matagamtaman ang kalambuan sa Distrito sa Paquibato ning syudad sa Davao.
” Ako manghinaut nga katong may gipangayuan, nasayop.man gyud ko. Duna pay mga linya dire, gawas sa akong mga linya kay gisurrender naman nako sa kasundaluhan gawas nilang Marikit gikan sa taas nga organo, manghinaut ko nga dili nata magpailad kay kita ra man jud ang giilad gyud ana. Unsaon paglambo sa atong barangay, sa atong Distrito kung naa pay magsuporta niana” Pahayag ni DAROKOY.
Sa pikas bahin, si Daniel Louise Castilloc alyas Steven susama usab ni Darokoy, hugtanon usab niini nga gikondina ang padayong binuhatan sa mga rebeldeng New Peoples Army.
Giangkon ni Steven nga nakonsensiya siya sa iyang mga nahimong sayop nga naghatag ug maling idolohiya sa komunidad isip Political Instructor sa Komunistang NPA. Tungod niini, gisaad ni Steven nga motabang sa Kagamhanan aron pasabton pagbalik ang katawhan sa mga maayong programa ug proyekto sa kagamhanan nga maghatag ug tinuod nga Kalambuan sa Komunidad.
” Mo esturya man gani ta ug mga Barangay Kapitan, unsa pa kaha sa mga kabatan unan ug mga bata. Siyempre, kabahin sa pagsurrender, ako gyud nang tahas nga pasabton pud nako sa akong mga nasabtan sa mga butang nga kaniadto dili pud tin aw sa akoa” Pahayag ni Steven.
” Siyempre sa mga gihimo sa Guerilla Front 55 nga tinuod ang atong Gobyerno dili man siya perpekto pero sa tingin ko kaya naman natong dal on ang kausaban pinaagi sa sulod sa balaud sa Gobyerno nga dili magdala ug pusil tungod kay ang pagdala ug pusil makakalas gyud ug kinabuhi” Dugang pasabot pa ni Steven.
Gilauman karon sa Kasundaluhang sakop sa 1003rd Infantry Brigade ilawom sa pagdumala ni Brigadier General Nolasco Mempin nga hapit nang maangkon niini ang tinuod nga kalinaw sa Distrito sa Paquibato.
Kahinumduman nga sunod sunod ang engkwentro sa Kasundaluhan nga sakop sa 27th Infantry Battalion nga unang gika.atay ni ka DinDin nga taga Kitaotao Bukidnon, ikaduhang engkwentro nga gikamatay usab ni Rommel Tausan alyas TANO nga Kumander sa Guerilla Front 55 ug laing usa pa ka miyembro nga si ka Dandi.
Sa sunod sunod nga engkwentro, laing mga kauban pa sa Guerilla Front 55 ang mga misurrender ug ning ulahi nga misurrender mao sila ni Darokoy ug Steven.
(OIC Michael Manguhig, RPN DXKT Davao, DPAO 10th ID & CMO Battalion)