30.9 C
Manila
Friday, March 29, 2024

Sarangani Bay Nakapahuway Sa Community Quarantine

- Advertisement -

Gibutyag ni Doctor Roy Mejorada, ang in-house veterinarian ug labaw sa research and development section sa Environmental Conservation and Protection Center kon ECPC sa probinsya sa Sarangani ilalum sa opisina ni Governor Steve Chiongbian Solon, ug sya pud ang assistant provincial veterinarian, nga nakapahuway matud pa ang Sarangani Bay human sa mga gipatuman nga lockdown ug community quarantine.

Gani, atol sa bag-uhay lang nila natigayon nga joint marine mammal monitoring kauban ang DENR-PAMB (pam-bi), gatusan ka mga Spinner Dolphin ug Risso’s Dolphin ang ilang aktwal nakita matud pa sa may bandang Ladol ug Kawas sa Alabel ug sa may Malapatan, Glan ug sa Maasim. May usa pud ka Dugong o sea cow ang nakit-an sa Glan. Kini nagpamatuod nga nihimsog pa ang Sarangani Bay.

Sa pikas nga bahin, sa talaan sa ECPC Sarangani sa nagpadayon karon nga pag-agi sa mga migratory raptor sa kawanangan sa lungsod sa Glan ug pagpahuway una mupadulong sa nasud Indonesia, nikabat na sa 77, 997 kabuok migratory raptors ang ilang naihap gamit ang mga dagkong teleskopyo gitawag nga binoculars.

Sa direktiba ni Governor Solon ilalum sa iyang Sulong Kalikasan program taliwala nga kanselado ang Raptor Watch Festival, anaa sa gihapon karon sa Sarangani Raptor Hill sa Barangay Rio del Pilar, Glan ang joint monitoring team sa ECPC Sarangani, Raptorwatch Network Philippines ug LGU Glan aron ma-monitor ang kalihukan sa maong matang sa langgam nga niikyas sa ilang mga nasud nga gigikanan sama sa China, Taiwan, Japan ug Russia aron makapangita og pagkaon samtang anaa pa sa ting-tugnaw o winter season ang ilang mga lugar. Mahuman ang raptor monitoring sa katapusang semana karong bulana sa Oktubre. (Provincial Information Office – Sarangani)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -