General Santos City – Aduna nay 150 million pesos nga pondo alang sa sanitary landfill sa dakbayan alang sa dugang cell, temporary cell ug selda para sa health care waste facility.
Sumala kang Nonoy Pareja, labaw sa Waste Management Office (WMO)-GenSan nga siya malaumon nga karon nga tuig masugdan na ang pagtrabaho sa dugang pasilidad sa sanitary landfill hilabina nga puno na gyud ug nagkinahanglan ug laing selda.
Target nila nga masugdan ang temporary cell nga maoy labayanan ug basura samtang ginahimo ang dugang selda sa sanitary landfill.
Dugang pamahayag ni Nonoy Pareja nga puno na gyud ang sanitry landfill, gani ga-awas na ang mga basura rason nga ilang gipaningkamutan nga mahatagan ug pondo ang dugang selda karon nga tuig.
Pwede matud pa nga ibutang sa PPP kon Private-Public Partnership ang maong landfill, apan gumikan aduna nay pondo, ilahang gipaninguha nga masugdan na ang konstraksyon ayha matapos ang tuig.
Samtang sa mga heavy equipment, aduna nay budget para sa bulldozer ug dump truck, apan ilaha pang ginahan-ay ang para sa payloader gumikan sa aberya sa gihimong bidding, apan giklaro niya nga anaa na ang budget alang sa maong mga himan.
(Source: Waste Management Office – GenSan)