28.9 C
Manila
Friday, March 29, 2024

Sangguniang Panlungsod Naghangyo Sa Gobernador Pinaagi Sa Resolusyon Na Ibalik An Border Health Checkpoints Sa Surigao Del Norte

- Advertisement -

Sangguniang Panlungsod naghangyo sa gobernador pinaagi sa resolusyon na ibalik an border health checkpoints sa Surigao del Norte, RT-PCR negative result sa mga non Surigaonons sanan mga mopauli na Surigaonons na mogawas sa probinsiya labay sa tuyo ka adlaw.

Tagpangunahan kahapon ni Kagawad Jose Expeditus “Jex” Bayana an pagpalabang nan resolusyon sa Sangguniang Panlungsod na naghangyo sa Gobernador na ibalik an border health checkpoints sa Surigao del Norte sa boundary sa Alegria, Claver, PPA Port of Surigao sanan Lipata Ferry Terminal.

Lakip sa maong resolusyon an pag require nan RT-PCR negative test result sa mga dili Surigaonons nga mosulod sa Surigao del Norte subject to specific requirements laid down by the IATF alang sa mga APORs sanan exempted an mga Surigaonons nga nagbiyahe pagawas sa Surigao del Norte nga dili molapas sa tuyo (3) ka adlaw.

Exempted sa RT-PCR presentation an mga magdeliver nan essential goods sanan commodities basta dili molapas sa 24 oras an ila pagsulod sa probinsiya.

Exempted isab sa negative RT-PCR test presentation an mga molabay lamang sa probinsiya.

An session kahapon tagpanguyohan ni Vice Mayor Ernesto “Nitoy” Matugas samtang mi-take over pag preside si Kagawad Cacel Azarcon sa pagpadajon sa ilang regular session.

Samtang taghuyat pa sa gobernador an printed copy sa resolusyon sa Sangguniang Panlungsod adisir ini magpagawas nan reaction. Nasayran nga sa section 5 sa Executive Order 21-010, anaa sa mga munisipyo sanan syudad an taghatag na kagahuman alang sa implementasyon sa mandatory protocols sanan requirements sa mga travellers na mosuyod sa probinsiya. (RPN DXKS Surigao)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -