30 C
Manila
Friday, March 29, 2024

Sangguniang panglungsod kan Iriga, nakatalaan na mag-apilar sa DILG sa implementasyon kan road clearing sa mga trimobile

- Advertisement -

Iriga City—maapilar an sangguniang panglungsod kan Iriga sa opisina kan department of interior and local government tanganing magkaigua nin moratorium sa pagpapautob sa road clearing program sa mga trimobile sa national hi-way.

An sinambit ng apilasyon an nakatalaan na padrinohan ni konsejal Dante Oliva na suportado man ninda konsejal Sonny Magistrado asin Ros Orolfo sa pagtubod na kaipuhan ngunang taw’anan nin panahon an local na gobierno tanganing makompleto an gabos na alternatibong ruta na aagihan kan mga trimobile.

Inot kaini, enterong nag-ani nin tuyaw an pinag-gigibong dry run huli sa kadipisilan kan mga pasaheros  asin mga tsuper., ini sa rason na pagkakaigua nin double ride, harayong terminal asin lubak pa an pirang tinampo na ginigibong alternatibong ruta.

Sa paliwanag kan city hall, sinabi ni alcalde madel yorobe alfelor na mayo sinda nin magiginibo sa nasabing kasuguan na masikad na ngani an validation ngunian na petsa 25.

Nagtutubod an mga konsejal kan Iriga, na oonrahon kan DILG an hahagadon na moratorium sa interes kan mga apektadong sector.

Sa balyong lado, bukas man an DILG sa pakikipag-olay sa mga LGU’s orog na duman sa mga cuidad asin banwaan na dai pa 100% makaka-implementar kan nasabing road clearing.

Ini an tinaw’an nin duon ni regional director Atty. Anthony Nuyda kan DILG matapos na maka-olay kan Radyo Ronda.

Sigun sa opisyal, aram ninda an problema kan mga LGU’s, alagad an kaipuhan sana iyo an koordinasyon sa saindang opisina huli ta dai naman mababago an pinagboboot na direktiba tanganing malinigan an gabos na tinampo sa enterong nasyon.

Inumaw pa man kaini, an local na gobierno sa lakdang na pinag-gigibo orog na an dry run tanganing maipasunod an road clearing program, kasabay kan pag-ako na may mga lugar talaga sa rehiyon na mayo nin alternatibong ruta kundi an mga national hi-way. (OIC Melvin Barayoga, RPN DZKI)

Source: Interview with DILG Regional Director Atty. Anthony Nuyda

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -