Davao del Norte – Guilty ang hukom sa korte sa founder sa Rigen Marketing nga si King Paul Bryan Auditor sa kasong large scale estafa.
Sa desisyon nga gipakanaug ni Presiding Judge Susana Baua, sa Regional Trial Court Branch 2 sa Tagum City karong buntag, gihukmang GUILTY ang akusado ug gimanduan nga mabilanggo ug 10 ka tuig hangtud 14 ka tuig.
Gimanduan usab si Auditor nga bayran ang mga complainant sa kantidad nga 8.4 milyon pesos.
Kahinumduman, nga gidakop si Auditor didto sa Cebu City sa mga sakop sa CIDG niadtong bulan sa Oktobre 2020 human kini gipasakaan ug kasong large scale estafa nga adunay criminal case no. 25756.
Giingong miigtad si Auditor ug nagtagotago sa Cebu sa dihang nabulabog ang investment scam nga ilang gitukod pinaagi sa kompanyang Regin Marketing.
Mimando usab ang korte sa pagdakop sa igsoon ni Paul Auditor nga si Karl Dexter Auditor ug ang usa ka Romen Samuel Wabina kinsa maoy kasusyo ni Paul Auditor sa nasangpit nga investment scam….. OIC Michael Manguhig RPN Dxkt Davao