Cagayan De Oro City – Gikatakda nga iturn-over sa City Hall sa Cagayan de Oro ang San Simon Medical Facility ngadto sa Northern Mindanao Medical Center sa Abril 8 pinaagi sa simple nga ceremonyas. Mao kini ang konpirmasyon nga gipagula ni City Mayor Oscar Moreno tapos iyang nahinabi ang mga opisyal sa Department of Health regional office.
Sa iyang pamahayag, si City Mayor Moreno mapasalamaton sa suporta nga gipadayag sa DOH sa emerging-reemerging infectious diseases (EREID) facility sa syudad nga nahimutang sa barangay San Simon.
Matud pa ni NMMC Liaison Officer Dr. Bernard Julius Rocha nga nangandam na sila sa mga personahe alang sa maong facilidad nga pagadumalahon uban sa JR Borja General Hospital. (Gin Serohijos, RPN DXKO CdO OIC | DOH-10)