Agtultuloy ti panangtarabay ti Provincial Veterinary Office kadagiti “hog farms” ditoy probinsia para iti pannakaipaay kadakuada ti akreditasyon kas ”ASF free farm”.
Imbatad ni Provincial Veterinarian Dr. Loida Valenzuela nga iti napalabas a tallo a lawas ket adda metten iti tallo a nabisitada.
Inlawlawagna a daytoy ket gapu iti naiget a panangobserbarda iti “bio security” kas paset ti naiget a panangipatungpalda iti kalikagum ni Gob. Matthew Marcos Manotoc a dagitoy ti rumbeng a kangrunaan a mangsalaud iti salun-at dagiti taraken ditoy probinsia.
Inbunannagna a babaen iti naiget a panangipatungpalda iti “bio security” ket maliklikan ti posibilidad a dagitoy ti mangitunda iti pannakaiyakar ti sakit ti baboy iti maysa a farm iti sabali a farm.
Nupay kasta, impalgak ni Valenzuela a dagiti laeng agingga iti duapulo a baboy ti tarakenda ti tultulonganda a maipaayan ti akreditasyon.
Nagpadispensar kadagiti “Hog Farms” a basbassit mge, duapolo ti tarakenda gapu ta maiyun-una dagiti adu iti tarakenda agsipud ta alisto iti panagwaras ti ASF no adda timaysa a matamaan.
(Irene Ringor, RPN DZRL Batac Correspondent)
(Source: Provincial Government of Ilocos Norte)