Radio Philippines Network
DXKO CDO News Provincial News

Saktong Nutrisyon Sa Kabataan Sa MisOr Gitutokan Sa PHO-Nutrition Division

Usa ka quarterly meeting ang gipahigayon alang sa mga City ug Municipal Nutrition Action Officers (C/MNAOs) sa lalawigan Misamis Oriental niining bag’o sa Marianne Suites, Tiano-Luna Streets, dakbayan sa Cagayan de Oro.

Gipanguluhan kini ni Provincial Health Office-Nutrition Division Head Ms. Marites Gomez kon diin nagmalampuson ang gipahigayon nga unang face-to-face meeting sa buhatan ning tuig.

Ang Provincial Health Office-Nutrition Division, usa ka dibisyon nga ilawom sa Provincial Health Office nga gitahasang mag oversee sa probinsya alang sa paglantaw ug pagmonitor sa kahimtang sa panglawas sa mga bata nga adunay pangidaron nga 0 to 59 months.

Gihisgutan ang mga importanteng hisgutanan mahitungod sa mga plano sa buhatan alang sa kaayohan sa mga bata sa lalawigan labi na niining panahon sa pandemya.

Anaa mitambong ug miistorya bahin sa iyang programa sa mga Child Development Centers ang Provincial Early Childhood Care and Development (ECCD) officer nga si Ms. Maryden Ocot ug iyang gihisgotan ang “Overview of the Standards on Granting Permit and Recognition for Public and Private Child Development Centers”.

Katimbayong sa Child Development Workers (CDWs) ang mga Barangay Nutrition Scholars (BNSs) isip mga frontline workers ug ang opisina sa nutrisyon hugut nga nakig-alayon sa PECCDO, alang sa kaayohan sa mga bata sa pre-school sa probinsya.

Mitambong usab si Ms. Yvette Guanzon, isip representante ni Provincial Agriculturist, Mr. Jose Apollo Pacamalan sa maong tigom alang sa Masterlist of Affected/Nutritionally-at-risk preschoolers (O-59 months old) nga kon diin, ang ilang mga pamilya maapil sa lista nga prayoridad sa tabang sa panginabuhian sa PAGRO aron mahatagan solusyon ang isyu bahin sa malnutrisyon partikular ang pagkawalay kasigurohan sa pagkaon ug dili igo nga kita nga sagad hinungdan sa malnutrisyon.

Garbo usab sa probinsya sa Misamis Oriental sa tuig 2020 tungod kay nahimo ang lalawigan nga adunay pinakaubos nga kaso sa Underweight, Stunting, ug Wasting kon itandi sa upat ka mga lalawigan sa Rehiyon 10 nga maoy gibasehan sa National Nutrition Council-10 isip mga indicators sa paglantaw sa kahimtang sa panglawas sa mga bata.

Kanunay gyud nga suportado ni Governor Bambi Emano ang mga lakang sa Provincial Health Office-Nutrition Division ubos sa pagdumala ni Ms. Marites Gomez tungod kay nakita sa Gobernador ang maayong pamalakad sa buhatan ug usa sa nakamapatoud niini ang maayong panglawas sa mga bata sa probinsya sa Misamis Oriental human bag-o lang nakadawat og pasidungog.

Sa liderato lamang ni Governor Bambi Emano walay bisan usa ka indibidwal ang napihig ug tanan gyud gitutokan ug giserbisyuhan labina ang kabataan nga makab-ot ang insaktong ilang insaktong nutrisyon.
(Provincial Information Office – MisOr)

Related posts

7 Barangay sa Gensan, Lanong Butangan Og Wifi

RPN News

Only Frontliners, Person Rescued By Oplan Sundo Are Allowed Entry In Davao Oriental

RPN

Socorro Bucas Grande Island Will Resume Its Tourism Operations Starting Today

RPN