Sakop sa Coast Guard nga dunay kasong rape ug POI sa pagpatay sa 1 ka pulis, gidakop sulod mismo sa ilang opisina sa PNP sa GenSan

General Santos City – Gidakop sa mga awtoridad ang usa ka sakop sa Philippine Coast Guard ilalum sa PCG-Southern District Mindanao Headquarters sa Makar Wharf, Brgy. Labangal, General Santos City, kagahapon sa udto, Agosto 7, 2024.

Giila ang suspek nga si alyas “Mohammad”, 30 anyos, minyo, sakop sa Philippine Coast Guard ug taga Brgy. Baluan, General Santos City.

Ang Police Station 3 maoy nangulo sa maong operasyon uban sa CMFC-GSCPO SWAT, RMFB 12 Intelligence Section, RID-12 Tracker Team Bravo, ug RMFB 1201st MC RMFB 12.

Gidakop siya pinaagi sa warrant of arrest sa kasong RAPE nga giisyu sa Branch 36, 12th Judicial Region Gensan nga pinetsahan Agosto 7, 2024.

Nasayran nga si alyas “Mohammad” usab ang gitudlo nga Person of Interest sa pagpatay sa pulis nga si Patrolman Jobert Moremonte sa Barangay Baluan niadtong Domingo. (Rem Agdon)