Napinget ti panangipatungpal ti Phil. National Police ti siudad ti Batac kadagiti protocol ken daduma pay a pagannurotan kontra Covid-19 kas maiyallubog iti Executive Order ni Gobernador Matthew Marcos Manotoc.
Segun ken ni police Major Artemio Clemente , Hepe ti Phil. National Police ti siudad ti batac kangrunaan ditoy ti panagusar ti facemask, social distancing ken ti panagusar ti Face shield nangnangruna kadagiti pampasahero a lugan ken kadagiti uneg ti pasdek.
Impalgakna nga dagiti natiliwan a saan a nagusar ti “face mask” bayat ti panangisayangkatda ti checkpoint nangnangruna ket napunno dagitoy it naglugananda.
Imbatadna a kaaddoan pay laeng a natiliw ti PNP Batac ket dagiti naglabsing iti pagannurutan manaig iti panagusar iti Face mask.
Mainaig iti daytoy nagballaag ni Clemente kadagiti umili iti nadakamat a siudad a masapul a sumurot kadagiti pagannurutan nangnangruna iti naisaguday iti EO ti gobernador.
(Rosita Macalipis Cainggoy, RPN DZRL Batac Correspondent)
(Source: Provincial Government of Ilocos Norte/ Communications & Media Office)