Mokabat sa P9,312,800.00 kantidad sa tabang nga nalugway sa kagamhanang probinsyal pinaagi sa Provincial Social Welfare and Development Office (PSWDO) ngadto sa katawhan nga midangup sa maong buhatan sa tuig 2019.
Sa 2019 Annual Accomplishment Report sa Assistance to Individuals in Crisis Situation (AICS) Program sa maong buhatan, nasayran nga sa maong kantidad adunay 1,062 ka barangay sulod sa 25 ka lungsod ug duha ka dakbayan sa Dipolog ug Dapitan ang nakapahimulos niini.
Ang AICS Program naglugway ug tabang ngadto sa serbisyong medikal, pagpahiluna sa ilang minahal sa kinabuhi nga mipanaw na ug ayuda alang sa mga kanhi rebelde nga mibalik na sa sabakan sa gobyerno.
Nasayran nga ang AICS Program usa sa mga social services nga gipatuman sa Provincial Social Welfare and Development Office sa administrasyon ni Governor Roberto Uy.