Iriga City — Mas pang pinakusog kan local na gobierno an urban asin rural gardening ngunian na panahon nin pendemya sa Covid-19.
Ini man an nagin pahayag ni Mr. Jess Gonzales, parapahayag kan City Hall matapos na maka-olay kan Radyo Ronda.
Sigun sa saiya, sa tabang kan TESDA dakol ng barangay an nakinabang sa traning na itinao sa pakikipag-koordinar kan City Agriculture Office sa paagui ni Alcalde Madel Yorobe-Alfelor.
Sinabi kaini, na dakulang tabang an training sa lambang pamilya nganing masusteniran an saindang pangagaipo sa pan ara-aldaw mientras na limitado pa an saindang kalakawan huli sa homa kan Covid-19 mientras na makakaseguro pa nin masustansyang pagkakan na tabang sa pagkakaigua nin makusog na salud an lambang saro.
Siniguro pa ni Gonzales na uubuson ninda an 36 na barangay sa cuidad na makundusiran kan nasabing training sa tabang naman kan mga barangay officials.
(Source: Interview with Jess Gonzales – City Tourism Office, photo courtesy by Roselyn Labis)
