- Advertisement -
Hindi ibibigay ng Malakanyang kay Vice President Leni Robredo ang classified information ng kampanya kontra iligal na droga ng pamahalaan.
Ayon kay Presidential Spokesperson Salvador Panelo, hindi naman kasi aniya miyembro ng security cluster ang Bise Presidente kahit na itinalaga ito bilang co-chairman ng Inter-Agency Committee on Anti-Illegal Drugs (ICAD).
Aniya, ang direktor lamang ng national intelligence coordinating agency at kalihim ng Department of National Defense (DND) ang maaaring makakita sa classified information.
Iginiit pa ni Panelo, na maging ang mga miyembro ng gabinete ay hindi maaaring makita ang classified information.
- Advertisement -
