Davao Del Sur – Dako ang gibati nga kalipay sa mga molupyo sa Barangay Waterfall nga hingpit nang gi-turn over sa District Congressional Office ang nahuman na nga road project padulong sa Pandong Bato ug Pulatana Viewing Deck sa Barangay Waterfall sa lungsod sa Davao del Sur.
Matud sa mga residente nga pinaagi unya sa nasangpit nga proyekto mailhan na ang pipila ka mga nindot nga Tourist Destinations sa lungsod sa Kibalawan. Ang nasangpit nga proyekto mikantidad ug 260 million pesos nga nagsilbing sinugdanan sa katumanan sa mga pangandoy sa katawhan nga mapalambo ug maila ang ilang lugar.
Si Davao del Sur Congressional District Officer Irick Agbon maoy nanguna sa pagtunol sa nasangpit nga proyekto. Nahimong possible ang naasoy nga proyekto pinaagi ni Congresswoman Didi Cagas nga nakakuha ug pondo gikan sa Department of Tourism diin multi-year ang pamaagi sa pagpatuman niini kung asa anam-anam ang pagpatuman niini matag tuig hangtud nga mahuman ang nasangpit nga proyekto.
(Source : DavSur Public Information Office)
