Request To Declare Entire Municipality Of Socorro Under ECQ

Among obligasyon sa Socorro Inter-Agency Task Force on COVID-19 Management ang paghatud kaninyo sa mga kasayuran kabahin na sa estado sa corona virus dinhi sa atong lungsod aron kini mamahimo ninyo nga kabasehan sa mga lakang nga injong buhaton sa injog tagsa-tagsa ka kaugalingon ug sa injong pamilya.

Sa una nga bahin, kung injong mabantayan nga ang upat (4) ka kumpirmado nga kaso sa COVID-19 dinhi sa atong Lungsod, adunay usa (1) ka parehas nga kalihukan nga ilang na-adtuan nga mao ang pagtambong sa kasal kaniadtong Septyembre 19, 2020.

Binase sa mao nga data, na-establisar sa Municipal Health Office nga posible nga ang ang maong kalihukan mao ang epicenter o sentro sa pagkaylap sa maong sakit dinhi sa atong dapit. Matinuod man kini o dili, dako ang kabalaka sa Socorro Inter-Agency Task Force nga, gumikan sa gidaghanon sa mga mitambong sa maong kasal, posible nga naka-abot na ang maong virus sa mga kabaryuhan sa atong lungsod.

Gikinahanglan na gayud nga mohimo ug mga lakang nga mahunong ang pagkaylap sa maong sakit dinhi sa atong isla pinaagi sa hugtanon nga pag-dili sa paglakaw lakaw sa mga katawhan sa mga kalsada.

Tinuod nga ania kita karon sa estado sa MECQ pero dili ika-limod nga daghan gihapon ang milusot sa pag-lakaw lakaw bisan ug ingnon pa nga ihulat lagi na ninjo nang injong mga kalihukan kun molapas na sa Oktubre 20, nga ang tugutan ra lagi nga mogawas sa panimalay kadto rang mga katujoan nga ika-pasmo ug ika-matay ug dili ma-adtuan hangtud sa Oktubre 20.

Hiniktan ang mga kamot sa Kagamhanag Lokal sa Socorro sa pag-himo ug eksakto nga tambal sa eksakto nga sakit dinhi sa atong isla- nga gawas sa COVID, mao ang pagka-BURINGOG sa ubang mga tawo.

Ang gitugot lamang sa National IATF-EID ngadto sa mga Kagamhanang Lokal sa Lungsod mao ang pag-imposar sa “granular lockdown” o pag-pag himo ug mga lakang nga ma-pugngan ang pag-gawas ug pagsulod sa mga tawo sa usa ka dapit nga gi-ila nga posible anaa na-concentrate ang infection. Apan, sahi ang sitwasyon sa atong lungsod. Sa nahisgutan na sa unahan, dili na nato ma tudlo sa pagka-karon kun hain na dapit ang mga natakdan sa virus ilabe na nga ang uban, bisan aduna nay gibate sa lawas, dili mo-sugilon sa kahadlok ba kaha o sa bisan unsa nga rason.

Usa sa nakita sa local task force nga dinalian nga kasulbaran niining atong kahimtang sa pagka-karon, mao ang pag-imposar sa Enhanced Community Quarantine (ECQ), ang pinaka-taas nga estado sa kwarantinas, aron ma-justify ang MASSIVE o DINAGHAN nga deployment sa uniformed men o mga pulis ug kasundalohan kinsa tahasan sa dili lamang pag-badlong, apil na ang pag-DAKOP ug pag-FILE UG KASO sa mga BURINGOG nga gusto gajud mogawas sa balay bisan ug gi-did an.

Tungod niini, nagpadala na ug sulat si Halangdong Mayor Felizardo A. Galanida ngadto ni Halangdong Gobernador Francisco T. Matugas kagahapon nga adlaw, Huwebes, Oktubre 15, 2020 nga naghangyo nga i-deklarar ang entero Socorro ubos sa estado sa Enhanced Community Quarantine (ECQ) hangtud sa Oktubre 20 niining tuiga. Ania akong gi-atach dinhi ang maong sulat-hangyo sa atong Mayor ingon man ang Local Situational Report sa atong Municipal Health Officer.

Sa pagka-karon, magpa-abot kita kung unsa man ang tubag sa mga Kadagkuan sa Probinsya o sa Regional IATF kabahin na sa maong hangyo.