Pahibalo Alang Sa Tanang Socorronhon

Karong adlawa, Biernes, Oktubre 16, 2020, nadawat sa atong Halangdong Mayor Felizardo A. Galanida and sulat gikan sa Regional Director sa Department of Health sa Caraga Region nga nag pahibalo sa pag-deklarar sa COVID-19 Local Transmission sa Socorro. Atong gi-attach dinhi ang maong sulat alang sa dugang kasayuran. Napadala na usab kini ngadto sa Opisina sa Gobernador aron nga ila pud ka-basehan sa ilang desisyon.

Pahimuslan naho ang kahigayunan sa pagtubag sa pipila nga nag-comment sa niagi naho nga post nga matud pa sa ijang gi-ingon: “SELECTIVE INJONG BALAOD”.

Angay nga mahinumduman sa tanan nga sa panahon nga gipahigayon ang nahisgutan nga kasal kaniadtong Septembre 19 2020, ang lungsod sa Socorro, ingon man ang ubang dapit sa Surigao del Norte, ubos pa sa Modified General Community Quarantine (MGCQ).

Sumala na sa Omnibus Guidelines in the Implementation of Community Quarantines nga gipagawas sa Inter-Agency Task Force on the Management of Emerging Infectious Diseases (IATF-EID), gitugotan ang Mass Gathering sa mga MGCQ areas, ubos sa kondisyon nga:

“Fifty percent (50%) of the seating or venue capacity for movie screenings, concerts, sporting events, and other entertainment activities, religious services, and work conferences.”

Meaning, binase sa maong guidelines, gitugutan ang maong kasal sa September 19, 2020 sa kundisyon nga 50% o katunga ra sa venue sa maong kasal ang dapat okupahan sa mga mitambong niini.

Dili sa ingon nga nang-hunaw ang lokal nga IATF sa responsinilidad. Apan, gihatag sa Kagamhanang Lokal ngadto sa mga hingtungdan sa maong kalihukan ang pag-seguro nga matuman ang mga lagda nga angay sundon. Sa susama nga sitwasyon, gihatag sa kagamhanang lokal ngadto sa mga kaparian sa simbahan ang obligasyon sa pag-implimentar sa maong kalagdaan sa mga misa nga ilang ipahigayon. Kun adunay simbahan nga makalapas niini, angay pud natong huna-hunaon kun kinsa ang basulon, ang lokal task force ba o ang tigdumala sa maong misa.

Busa kun aduna may wala masunod sa maong kalagdaan, dili unta laspahon ang walay labot sa maong kalapasan. Ako sa ahong bahin, wala ko maka-tambong sa maong kasal mao nga wala ako masajod kun unsa ang mga panghitabo sa pagpahigajon niini.