Kalipay ang gibati sa taga Purok 7 sakop sa Baranggay Mahanub dihang ang ilang lugar na may 285 nga populasyon nahatdan sa serbisyong caravan nga gipangunahan ni Mayor Chandru Bonite iban an kapikas Vice Mayor Pem Bonite.
Kuyog sa mayor ang mga membro sa Sangguniang Bayan, kapulisan, kasundalohan sa 30IB, Taganito Mining Corporation sanan mga lain laing ahensiya sa kagamhanan mitanyag sa mga serbisyong dili halos matagamtaman sa layo nga baranggay gawas kon moadto sa sentro sa lungsod.
Sa maong higayon gilusad didto ang ikaduhang bahin sa Municipal Task Force to End Local Communist Armed Conflict.
Ang mga sundalo milingaw sa ilang mga awit pinaagi sa Python Band, gihimo usab ang libreng haircut. Sa Serbisyo Caravan nga gihatud sa maong lugar sama sa mga pagkaon, tambal, medical consultation, pagfacilitate sa birth certificate and marriage contract registration, social welfare, mga gamit para sa eskwelahan, mga tsinelas, toilet bowls. Miabag sa munisipyo ug army ang Taganito Mining Corporation.
Gipalanog ni Punong Baranggay Julito Go ang iyang pasalamat nga ang Mahanub kanunay gihatdan nan serbisyo sa gobyerno sa pagpangulo sa ilang buotang mayor.
Gipasabot ni Police Capt. Elmar Claret ang Executive Order 70 ni Presidente Rodrigo Duterte.
Gilingaw usab ang mga bata pinaagi sa duha ka mascot nga si Elsa sa Frozen movie ug si Captain America.
Sa iyang bahin si Lt. Col. Jeffrey Villarosa nanawagan sa mga mga igsoong tua nagsuporta sa insurhensiya nga moundang na pagka-NPA. Maangkon nila ang mga benepisyo gikan sa gobyerno kon official ug pormal ang ilang pagsurrender.
Sumala pa ni Mayor Chandru Bonite na permanente ini na programa ilabina sa mga lugar na jaon an insurgency ug sa sunod nga duawon nila mao na sab ang Sitio Tiltilan.
Unang gilusad ang Municipal Task Force ELCAC niadtong Agosto 2019 sa Camam onan apan ang pormal nga paglusad didto na sa Sitio Palilihan, Mahanub niadtong Disyembre, 2019.
Nagpasalamat usab si Roel Paniza, ComRel Manager sa Taganito Mining Corporation nga gihatagan sila’g higayon nga maka partner ang lungsod sa ilang paghatag ug serbisyo sa katawhang nanginahanglan. (RPN DXKS)
