29.8 C
Manila
Friday, March 29, 2024

REKLAMO NAN SURIGAO TRANSPORT MULTICABS OPERATORS AND DRIVERS ASSOCIATION (STMODA) TAGPAMATIAN NAN KONSEHO

- Advertisement -

Kagahapon tagpamatian nan Sangguniang Panlungsod isip committee of the whole, an reklamo nan STMODA kun Surigao Transport Multicabs Operators and Drivers Association kabahin sa nagkahamok na mga kolorum nga nag-biyahe sa ilang mga ruta. Sumaya pa sa nagkahamok na mga kolurom na base sa obserbasyon nan STMODA jaon na sa may 30 ka buok, nakaapekto na ini sa kita nan mga lehitimo na mga de-pasaheruan na mga multlicabs.

An unod na reklamo na tagpadayag nan STMODA pinaagi na kan Mr. Allen Rubio an kasamtangan na presidente, amo an pagpamakuli nan mga City Traffic Enforces na modakop sa naasoy na mga kolurom, tungod sa ka wayay hurisdiksyon matud pa. Position na tag-ujunan ni Engr. Manuel Del Carmen, an hepe nan LTO-Surigao Del Norte, na nosulti na samtang wayay deputation an mga city enforcers gikan sa LTO dili sila madakop sa mga kolorum na multicabs, butang na waya ujuni ni konsehal Atty. Catre na no-representar nan opinion na base sa tag-tawag na rules of court pwede nga madakop nan enforcers o bisan gani nan pribadong  indibidwal an ilegal nga nag-biyahe na multicabs.

Sa kinaulahian nan diskusyon naka-ujun sa prinsipyo an LTO, kosenho sanan CTMO sa pag-panguyo kuman ni Atty. Manuelito Delani na pwede modakop an city enforcers sa mga kolorum na multicabs pero e-turn over ini ngadto sa LTO para sa pag-impound.

- Advertisement -
Previous article
Next article

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -