Nagpahigayon ug Random drug test ang PDEA ZN inubanan sa Dipolog PNP, LTFRB ingon man ang buhatan sa LTO Dipolog sa programang OPLAN “HARABAS” DRUG TEST MUNA BAGO PASADA, sa alas 7:30 sa buntag Oktobre 31,2024, didto sa Dipolog Integrated Bus Terminal.
Ang maong programa sa ahensya nationwide gipahigayon sa tumong nga masiguro ang seguridad sa mga pasahero kung wala ba nag gamit sa ginadiling druga ang mga driver apil na usab ang mga konduktor niini.
Anaa usab ang Pnp Dipolog aron usab pag asister o pag siguro nga ang tanan makapahigayon sa drug testing kung ugaling adunay muhimo ug dautang lakang sa pagdumili o muikyas. Ang LTO Dipolog ang anaa usab tungod kay sila ang ahensya nga adunay katungod sa pag hold sa mga licensya sa mga driver kung sikinsa man gani ang mag positibo kanila.
Saysay pa ni Investigation Agent V Ariel Escudero Prov. Officer PEDEA ZN, nga ang gihimong Surprise drug test sa mga driver usa kini ka programa sa governo nga gihatagan ug pagtagad ilabina sa mga pasahero kung ang usa ka driver diin na involve sa druga posibleng mabutang sa peligro ang mga pasahero. Dugang pamahayag niya nga kung ang usa ka driver mag positibo nga naggamit sa ginadiling druga mahimong temporaryo pa kining bawian sa LTO sa ilang licensya, mabalik lamang kini kung makatapos sa usa ka programa sa drug rehabilitation ug uban pang mga lakang nga mahimong makabalik sila sa pagpanarabho depende sa kompaniya nga ilang gitrabahuan.
Kahibaloan 150 ka mga driver apil na ang mga konduktor ang gipailalom sa maong drug testing ug dugang pa ni Agent Escudero daku kaayo ilang kalipay nga nag Negatibo ang tanan driver ingon man mga konduktor, gapasabot nga nagmatarung ra gayud sa ilang mga trabaho ug tinoud kining ga serbisyo nga walay sagul sa binoang.
Natapos ug malampusong napahigayon ang maong surprise drug test nga walay kakulian ug gitambongan usab kini sa mga sakop sa Media. (Angelica T. Obina)