CAGAYAN DE ORO CITY- Gimando ni Misamis Oriental Governor Yevgeny Vincente “Bambi” Emano ang strikto nga pagpatuman sa quarantine pass labang sa probinsya sa Misamis Oriental. Sa iyang executive order nga gilagdaan kagahapon Abril 14, nagdili ni bisan kinsa nga mosulod sa probinsya agi sa ilang quarantine control points o checkpoints gawas kon anaa kini home quarantine pass o road/travel pass nga mapresentar.
Ang home quarantine pass kinahanglan nga ipresentar niadtong nagdala sa purchased essentials sama sa pagkaon sa merkado publiko, groceries ug supermarkets; mopalit ug tambal, adunay transaksyon sa bangko o kadtong nagtinguha pagpatambal sa hospital. Sa pikas bahin ang road o travel pass ipresentar kini sa risedente sa usa ka munisipyo o MisOr ug niadtong nagagikan sa bisan asang probinsya gawas sa MisOr nga adunay transaction niini nga probinsya.
Ang road/travel pass i-issue sa health officer sa syudad o munisipyo samtang ang home quarantine pass nagagikan sa barangay chairman.
Ang kapolisan gimanduan sa strikto nga pagpatuman sa maong executive order.