General Santos City – Nakuha gikan sa kustodiya sa usa ka Factory Worker ang mga ilegal nga armas ug mga bala sa iyang panimalay sa Block 2, Purok 16, Barangay Fatima, General Santos City, alas 2:50 sa hapon niadtong Sabado, Hulyo 13, 2024.
Giila lang ang dinakpan nga suspek nga si alyas “Al”, 23-anyos, minyo, ug residente sa nahisgutang lugar. Nakuha gikan sa suspek ang usa ka unit sa Cal. 38 nga armas nga adunay upat ka mga bala ug duha ka basiyo. Segun pa mga sa pagkasikop sa suspek, gipahibalo kini sa iyang katungod.
Samtang posibleng kining mag-atubang og kasong kalapasan sa R.A.10591 o Violation on Comprehensive Law on Firearms and Ammunition Regulation Act ug kasamtangang anaa na sa kustodiya sa General Santos City Police Station ang suspek alang sa tukmang kaso ug disposisyon. (Rem C. Agdon)