Gihagit ni Acting Mayor Raymond Garcia ang mga opisyal sa Violence Against Women (VAW) sa dakbayan sa Sugbo nga motrabaho gyud aron mapatigbabaw ang katungod sa mga kababayen-an.
Kini iyang gipamulong atol sa pagsaulog sa ikatulong anibersaryo sa VAW Federation karong adlawa, Hulyo 12, 2024, nga gipahigayon sa Plaza Sugbo ubos usab sa pakigtambayayong sa estasyonan sa radyo dyHP.
Nitambong usab sa selebrasyon ang mga konsehal sa dakbayan nga sila si Phillip Zafra, Jocelyn Pesquera, Jaypee Labella, ingon man si Konsehal Francis Esparis.
Si Konsehal Philip Zafra nihulagway nga mga “bayani sa hilom” ang mga sakop sa VAW nga nagserbisyo sa tanang 80 ka mga barangay.
Nipasalig ang mga konsehal pagpaluyo sa mga kalihokan sa VAW ilabi na sa pagpaumento sa ilang mga honoraria.
Gisugdan pinaagi sa ka misa ang selebrasyon sa ikatulo nga anibersaryo sa VAW Federation dinhi sa Dakbayan sa Sugbo. (Acting Mayor Garcia gidasig ang mga lider sa VAW na molihok para sa katungod sa kababayen-an. (Renante Socia Lada)
(Source: Cebu City PIO)