Radio Philippines Network
DXKO CDO News Provincial News

Pulis Gipata Duol Sa Camp Alagar

CAGAYAN DE ORO CITY- Usa ka pulis kinsa nagsilbing bodyguard sa gipatay nga Clarin town mayor David Navarro ang gipatay sa ambush sa duha ka motorcycle-riding suspects diha sa gawas nga bahin sa Camp Alagar ning syudad human sa adlaw sa Pasko. Matud pa ni Cagayan de Oro police spokesperson Maj. Evan Viñas nga si Police Officer Roy Aguas sakay sa iyang motorsiklo padulong na unta mopauli sa iyang pinuy-anan sa dihang gisundan kini sa mga suspetsado diha sa CM Recto Avenue sakop sa Brgy. Lapasan mga alas kwartro y medya sa hapon niadtong Sabado.

Sumala pa Viñas, diha-diha nga giluthang si Aguas sa mga suspetsado sa dihang nakaduol kaniya hinungdan sa diha diha usak nga pagkamatay sa biktima. Nasayran nga si Aguas, 40 anyos nadestino sa PNP Regional Headquarters Support Group ug mopauli na unta sa iyang pinuy-anan gikan sa PNP Region 10 Office sa Camp Alagar.

Ang mga investigators karon nagtumbok sa posibilidad nga ang pagpatay kang Aguas may kalambigitan sa pagpatay kaniadto ni Clarin Mayor David Navarro sa Misamis Occidental. Si Navarro gipatay gihapon pinaagi sa ambush pipila ka metros gikan sa Provincial Capitol sa Cebu City niadtong Oktubre 25, 2019. Usa siya sa anaa sa “narco-list” sa mga mayor nga gipagula kaniadtong 2019 ni Presidente Rodrigo Duterte.

(Source: Gin Serohijos, RPN DXKO CdO OIC | PNP-10)

Related posts

More Rapid Tests For COVID-19 Seen With Additional Testing Facilities

RPN

Laguindingan Airport Temporaryong Nagshutdown

RPN

PGADCC 1st Quarter Meeting Malampusong Natigayong

RPN