PUI namatay samtang nagpaabot sa Covid-19 result

PUI namatay samtang nagpaabot sa Covid-19 result

by RPN News
89 views

CAGAYAN DE ORO – Usa ka pasyente under investigation sa posibleng infection sa coronavirus (Covid-19) ang namatay samtang gipatambalan sa Northern Mindanao Medical Center (NMMC) kagahapon  sa buntag, Marso 26, matud pa ni chief of hospital Dr. Jose Chan.

Nasayran nga ang maong pasyente, 56 anyos, babaye usa ka molupyo sa lungsod sa Tagoloan, Misamis Oriental nadiagnose sa acute respiratory illness. Una siyang giassess nga adunay dengue sa iyang pagsulod sa tambalanan ug cardiovascular disease ug dayon gi-reasssesed sa NMMC isip standard protocol.

Gipahibalo ni Dr. Chan nga ang pasyente adunay contact sa usa ka family member nga nakabyahe gikan sa Manila. Gikuhaan na unta sa swab sample kini apan wa pa migawas ang resulta niini. Sa pagkakaron matud pa ni Dr. Jennifer Advincala, ang municipal health officer sa Tagoloan nga masubsob sila karon nga nakig-coordinar sa Barangay Health Emergency Response Team ug nagpahigayon sila sa intense contact tracing, disease surveillance ug stringent precautionary measures sulod sa munisipyo.

Sukad niadtong Marso 26, ang NMMC aduna nay 14 ka mga pasyente nga PUIs, matud ni Chan.

0 comment

Related Posts