Publiko pinayuhang magdoble-ingat sa pagpunta sa white sand area sa Manila Bay

Nagpahayag ng pagkabahala si Vice President Leni Robredo sa pagdagsa ng publiko sa white sand area sa Manila Bay.

Sa kaniyang programa sa radyo, sinabi ni Robredo na hindi dapat mabalewala ang physical distancing lalo’t nariyan pa rin ang banta ng coronavirus disease 2019 (COVID-19).

Kasunod nito, pinayuhan ni Robredo ang mga nais mamasyal sa bahaging Baywalk at Manila Bay na magdoble-ingat.

Magugunitang binuksan ng DENR mula kahapon hanggang ngayong araw ang white sand area sa Manila Bay bilang bahagi ng international coastal cleanup day.