Kagahapon sa eksklusibong pakighinabi sa radyo ronda kang Mrs. Rosana Enano gikan sa Provincial Health Office, gibutyag niini ang bag-ong update sa HIV/AIDS cases sa intero Pilipinas ug partikular na diri-a sa probinsya sa Surigao Del Norte.
Sa katapusang update gikan January 1984 hangtod July 2018, midangat na sa 57,134 an mga biktima sa HIV/AIDS sa tibuok Pilipinas ug sa probinsiya sa Surigao Del Norte miaabot na kini sa 108 ka mga kaso diin kasagaran niini mga kalalakin-an lakip na niini ang bag-ong natakbuyan ning kasamtangang tuig nga 26 ka buok hinungdan nga niabot kini sa 108. Sa katapusang update sa entiro CARAGA nag-una ang Butuan City ug nagpabilin nga top 3 ang probinsya sa Surigao Del Norte.