Misamis Oriental – MALAMPUSON ang pagbisita sa Provincial Health Office-Nutrition Division sa Claveria partikular sa Barangay Punong ug Barangay Ane-i.
Kini subay sa 2024 Province-wide Search for Outstanding Garden of Go, Grow and Glow (G4) Household (Urban and Rural Categories) ug Barangay.
Alang sa G4 Household entry sa Claveria, gipasundayag ni Ms. Evyrelda Ayonar ang iyang backyard garden sa Brgy. Punong nga adunay tanom nga mga prutas, gulay, lagutmon ug fish pond nga dunay tilapia.
Samtang sa G4 Barangay entry, gipakita sa komunidad sa Brgy. Ane-I ang ilang communal garden nga dunay nagkadaiyang tanom lakip ang fish pond.
Anaa sa pagbisita sila PHO-Nutrition Division Head Ms. Marites Gomez, Claveria Municipal Nutrition Action Officer Ms. Chari Roze Dela Cruz, lakip ang Provincial G4 Evaluation Team nga langkoban nila PPDO Staff Ms. Bernadeth Gregory, PHO Staff Roselle Suarez ug PHO-Nutrition Staff Louie Rose Nob.
Tumong niini nga programa ang food security aron masulbad ang malnutrisyon ug mapalambo ang nutritional status sa katawhan.
Kahinumduman, gisugdan ang pagpili niadtong Oktubre 11 sa lungsod Medina ug matapos karong Nobyembre 22 ning tuiga.