Nakadawat og donasyong medical instruments ang kagamhanang lokal sa DipologĀ gikan sa duha ka pribadong indibiduwal kaniatong Pebrero 7 ning tuiga.
Ang mga medical instruments nga gidonar naglangkob sa 99 ka buok Thumb Dressing Tweezers, 149 ka buok Spencer Stitch Scissors, 1 ka Dressing Forceps, 2 ka Lister Bandage Scissor ug 2 ka Semren Dressing Tweezers. Kining nasangpit nga mga kahimanan ang nagagikan nila ni Mr. Kai Lindner ug Ms. Rizza Castillo Lindner sa Potsdam, Germany kinsa nasayrang parehong mga Registered Nurses (RN).
Sumala sa taho gikan sa City General Services Office (CGSO) pinaagi ni Mary Lureen Gurdiel, ang mga instrumento anaa na karon sa Corazon C. Aquino Hospital aron kini magamit sa mga personahe dinha sa pag-atender sa mga pasyente sa nasangpit nga tambalanan.
(Source: Dipolog City Government Facebook page)