Presyo ng produktong petrolyo posible pang bumaba

Kumpiyansa si Trade and Industry Sec. Ramon Lopez na lalo pang bababa ang presyo ng bilihin ngayong taon dahil sa pagbagsak ng presyo ng langis sa pandaigdigang merkado.

Ayon kay Lopez, naglalaro na lamang ngayon sa 48 hanggang 50 dolyar ang presyo kada bariles ng langis sa world market kaya’t posibleng asahan ang tapyas presyo sa mga produktong petrolyo kahit na ipataw pa ang dalawang pisong singil sa kada litro ng langis dahil sa excise tax.

Dagdag pa ni Lopez, maaring bumagal ng tatlong porsyento ang inflation rate ngayong taon mula sa naitalang 5.1 percent noong nakaraang Disyembre.